SUMÁRIU KONA-BÁ NOVEL "THE ALCHEMIST" HOSI PAULO COELHO

 

 

The Alchemist konta istória kona-bá Santiago, bibi-atan foinsa’e ida hosi rejiaun Andaluzia, España nian, ne'ebé mehi atu deskobre rikusoin mundu nian ne'ebé lokaliza iha fatin ruma iha Ejiptu. Nia hahú viajen ida hodi buka nia mehi, hetan enkorajamentu hosi ema oioin ne'ebé simboliza aspetu oioin hosi matenek no espiritualidade.

 

Parte Dahuluk:

 

§  Santiago nia Mehi: Santiago iha mehi ida ne'ebé mosu beibeik kona-bá hetan rikusoin iha pirámide Ejitu nia hun. Nia hasoru adiviñadór (Matan-Do’ok) ida ne'ebé interpreta mehi ne'e, hodi enkoraja nia atu buka tuir mehi ne'e.

 

§  Melquisedec: Santiago hasoru liurai katuas ida naran Melquisedec, ne'ebé konta ba nia kona-bá Lejenda Pesoál sira (ema ida nia destinu) no Mundu nia Klamar. Liurai fó ba Santiago fatuk májiku sira, Urim no Tumim, atu ajuda nia foti desizaun sira.

 

§  Fa'an Bibi sira: Santiago fa'an nia bibi-lubun hodi finansia nia viajen no sai ba Áfrika.

 

§  Tangier: Iha Tangier, ema na’ok Santiago nia osan no obriga atu serbisu ba komersiante kristal ida. Bainhira serbisu iha ne'ebá, Santiago aprende lisaun sira ne'ebé iha valór kona-bá perseveransa no inovasaun. Nia ajuda komersiante nia negósiu atu buras no ikusmai hetan osan natoon atu kontinua nia viajen.

 

Parte Daruak:

 

§  Karavana: Santiago hamutuk ho karavana ida ne'ebé atravesa rai-maran Sahara nian ba Ejiptu. Nia halo belun ho ema Inglés ida ne'ebé estuda hela alkímia no aprezenta Santiago ba konseitu Fatuk Filózofu nian no Elixir Moris nian.

 

§  Alkimista: Iha rai-fuik, Santiago hasoru alkimista matenek ida ne'ebé sai nia mentor. Alkimista hanorin Santiago kona-bá importánsia atu tuir ema ida nia fuan, Lian Mundu nian, no oinsá atu rona nia intuisaun.

 

§  Oasis: Santiago ho karavana to'o iha oasis ida iha ne'ebé nia hasoru no fuan monu ba Fátima, ikus mai domin mosu entre sira-nain rua. Maski nia iha sentimentu ba Fátima, Santiago realiza katak nia tenke kontinua nia viajen hodi kumpre nia Lejenda Pesoál (Mehi sira). Fatima enkoraja nia atu buka tuir nia mehi, hodi promete atu hein nia fila.

 

§  Etapa Ikus: Santiago no alkimista kontinua sira nia viajen. Alkimista hatudu nia kbi’it hodi transforma chumbo ba osan-mean no fó osan-mean pedasuk ida ba Santiago nu'udar prezente despedida nian. Santiago husik hela atu hasoru dezafiu ikus sira mesak.

 

Konkluzaun:

 

§  Pirámide sira: Santiago ikusmai to'o iha pirámide Ejitu nian no hahú ke'e rikusoin, maibé nia hetan ataka hosi na'ok-teen sira. Na'ok-teen ida goza Santiago, hodi konta ba nia kona-bá mehi ida ne'ebé nia iha kona-bá rikusoin ida ne'ebé hakoi iha ai-sikómoru nia okos iha igreja ne'ebé rahun iha España. Santiago realiza katak rikusoin ne'e sempre iha igreja abandonadu ne'ebé nia mehi ba dala uluk.

 

§  Fila ba Uma: Santiago fila ba España, ba igreja ne'ebé nia hahú nia viajen. Nia ke'e rikusoin, hetan kofre ida ho osan-mean no osan-mean sira. Hafoin kompleta nia buka, Santiago planu atu fila fali ba Fátima, hatene katak rikusoin loloos moris nian maka lisaun sira ne'ebé aprende no domin ne'ebé hetan iha dalan.

 

"The Alchemist" maka alegoria ida ne'ebé riku kona-bá tuir ema ida nia mehi, rona ema nia fuan, no aprende atu le’e sinál sira ne'ebé namkari iha dalan moris nian. Istória ne'e subliña importánsia atu buka tuir ema ida nia Lenda Pesoál no rekompensa espirituál sira husi perseveransa no deskobre an rasik.